In Gedenken an Amy
unsere Hunde > in Memoriam
9. November 2012 - 09. September 2020
Üses liebe Amylie ❤️, Amy-Gamy ❤️ und Schnäggelümpli ❤️,
Mir vermisse Di eso unändlich fescht!
Ganz schnäu und unerwartet hei mer Di müesse lo go und Di am Herrgott zrügg gä 🌈. Du hingerlosch e riesigi grossi Lücke i üsne ❤️e und i üsere Familie.
Du bisch 365 Däg im Johr e aufgschtöute läbesfrohe Sunneschiin gsi, hesch immer so richtig vüu Pfäffer im Füdli gha und bisch für jede Quatsch z‘ha gsi! Dini liebeswürdigi und säubschtlosi Art het au die ganz sanfti Site a Dir zeigt, Du hesch fürs Läbe gärn gschmuset und hesch üs Dini Zueneigig sehr schtarch chönne zeige.
Mir gloube ganz fescht, dass Du jetz wieder bi Dire Mama Diva, bi Dim Papa Helios und bi Dine 2 Brüedere Alf und Artos bisch und Dir aui 5 Euch im Himmu eso richtig löt loh verwöhne.
Üses liebe Amylie ❤️, mir wärde Di niemous vergässe und vergiss bitte Du nie:
Mir wärde üs wieder gseh und zäme unändlich schmuse ❤️...
Amys Ausstellungen
Aarau - 2013
Aarau - 2014
Aarau - 2015